കര്‍ദിനാള്‍ ജോര്‍ജ് ആലഞ്ചേരിക്ക് എതിരേ വ്യാജരേഖ ചമച്ചെന്ന സംഭവത്തില്‍ എറണാകുളം- അങ്കമാലി അതിരൂപതയുടെ അടിയന്തര വൈദികസമിതി യോഗം ഇന്ന് ചേരും. ഉച്ചയ്ക്ക് രണ്ടര മണിയോടെ എറണാകുളം ബിഷപ്പ് ഹൗസിലാണ് യോഗം ചേരുന്നത്.
യോഗത്തില്‍ മുന്‍ വൈദികസമിതി അംഗമായ ഫാദര്‍ ആന്റണി പൂതവേലില്‍ വൈദികര്‍ക്ക് എതിരായി ഉന്നയിച്ച ആരോപണം ചര്‍ച്ച ചെയ്യും. ഫാ. ആന്റണി പൂതവേലിലിന്റെ മുന്‍നടപടി വൈദിക സമൂഹത്തെ സംശയത്തിന്റെ നിഴലില്‍ നിര്‍ത്തുന്നതാണെന്ന് ഒരു വിഭാഗം വൈദികര്‍ അഭിപ്രായപ്പെട്ടു.
Read more
ഫാദര്‍ പോള്‍ തേലക്കാടിനെതിരെ തെളിവില്ലാതെ ആരോപണം ഉന്നയിച്ച വൈദികനെതിരെ നടപടി വേണമെന്നും ഇവര്‍ യോഗത്തില്‍ ആവശ്യപ്പെടും. എന്നാല്‍ ആരോപണത്തില്‍ ഉറച്ചു നില്‍ക്കുകയാണെന്ന് ഫാദര്‍ ആന്റണി പൂതവേലില്‍ പറഞ്ഞു. കര്‍ദ്ദിനാള്‍ ആലഞ്ചേരിക്ക് എതിരായ വ്യാജരേഖ നിര്‍മ്മിച്ചതില്‍ ഫാദര്‍ പോള്‍ തേലക്കാട് അടക്കമുള്ളവര്‍ക്ക് മുഖ്യ പങ്കുണ്ടെന്നായിരുന്നു ഫാദര്‍ ആന്റണി പൂതവേലിലിന്റെ ആരോപണം.
