അകമ്പടിയായെത്തിയ ബാൻഡ് സംഘത്തിന് പണം നൽകുന്നതിനെച്ചൊല്ലിയുള്ള തർക്കത്തെ തുടർന്ന് വരൻ വിവാഹ മണ്ഡപത്തിൽ നിന്നും ഇറങ്ങി പോയി. ഉത്തർപ്രദേശിലെ സഹരൻപൂരിലാണ് സംഭവം. വിവാഹത്തിന് അകമ്പടിയായെത്തിയ ബാൻഡ് സംഘത്തിന് പണം നൽകുന്നതിനെച്ചൊല്ലി വരന്റെയും വധുവിന്റെയും ബന്ധുക്കൾ തമ്മിലുണ്ടായ ഉണ്ടായ തർക്കത്തെ തുടർന്നാണ് വരൻ മണ്ഡപത്തിൽ നിന്ന് ഇറങ്ങിപോയത്.
ആഘോഷമായി വിവാഹ വേദിയിലെയ്ക്കെത്തിയ വരന്റെ ഒപ്പം വന്ന ബാൻഡ് സംഘം, വിവാഹ ചടങ്ങുകൾ നടന്നുകൊണ്ടിരിക്കെ പണം ആവശ്യപ്പെടുകയായിരുന്നു. തുടർന്ന് വധുവിൻറെ കുടുംബം പണം തരുമെന്ന് പറഞ്ഞ് വരന്റെ കുടുംബം കയ്യൊഴിഞ്ഞു.
തുടർന്ന് ഇരുകുടുംബങ്ങളും തമ്മിലുണ്ടായ തർക്കം സംഘർഷത്തിലേക്ക് എത്തുകയായിരുന്നു. വരൻ വരണമാല്യം വലിച്ചെറിഞ്ഞ് വിവാഹ വേദിയിൽ നിന്നും ഇറങ്ങിപ്പോയി. സംഭവത്തിന് ശേഷം വധുവിൻറെ വീട്ടുകാർ വരനുമായുള്ള എല്ലാം ബന്ധവും ഉപേക്ഷിച്ചതായി പൊലീസ് പറഞ്ഞു
Read more
ഫറൂഖാബാദിലെ കമ്പിൽ നിന്ന് സഹറൻപൂരിലെ മിർസാപൂർ വരെയായിരുന്നു വിവാഹഘോഷയാത്രയെന്ന് മിർസാപൂർ പൊലീസ് സ്റ്റേഷനിലെ എസ്.എച്ച്.ഒ അരവിന്ദ് കുമാർ സിംഗ് പി.ടി.ഐയോട് പറഞ്ഞു.
