ഇന്ത്യൻ പ്രീമിയർ ലീഗിന്റെ അടുത്ത സീസൺ ആരംഭിക്കാനിരിക്കെ ഈ സീസൺ ഏറെ ആകാംഷയോടെയാണ് നോക്കി കാണുന്നത്. മെഗാ ലേലം വരാനിരിക്കെ ഈ സീസണിന് തൊട്ടുമുമ്പ് തന്നെ ടീമിൽ ഒരുപാട് മാറ്റങ്ങളാണ് പ്രതീക്ഷിക്കുന്നത്. മുമ്പ് കിരീടങ്ങൾ നേടാൻ ഭാഗ്യമില്ലാത്ത ടീമും, കിരീടം നേടിയവരും എല്ലാം ഒരുപോലെ ടീമിൽ മാറ്റങ്ങൾ വരുത്താനാണ് ശ്രമിക്കുന്നത്.
ഇന്നലെ മുംബൈയിൽ ഐപിഎൽ ഉടമകളും ബിസിസിഐയും തമ്മിൽ നടന്ന മെഗാ ലേലത്തിന് മുമ്പുള്ള മീറ്റിംഗിൽ ധാരാളം വിഷയങ്ങളിൽ ചർച്ചകൾ നടന്നു. Cricbuzz അനുസരിച്ച്, മെഗാ ലേലത്തിൻ്റെ ചർച്ചകളിൽ ടീം ഉടമകൾ തമ്മിൽ അഭിപ്രായ ഭിന്നത ഉണ്ടായി. മെഗാ ലേല നടപടിക്കെതിരെ കൊൽക്കത്ത നൈറ്റ് റൈഡേഴ്‌സിൻ്റെ സഹ ഉടമ ഷാരൂഖ് ഖാൻ തന്റെ ഭാഗം പറഞ്ഞ് രംഗത്ത് എത്തി. മെഗാ ലേലം വേണം എന്ന അഭിപ്രായം പറഞ്ഞ പഞ്ചാബ് കിംഗ്‌സ് സഹ ഉടമ നെസ് വാഡിയയുമായി അദ്ദേഹം കടുത്ത വാഗ്വാദം നടത്തി.
ടീമുകളെ സംബന്ധിച്ച് പറഞ്ഞാൽ പല ടീമുകൾക്കും ഒട്ടും തന്നെ താത്പര്യം ഇല്ലാത്ത മെഗാ ലേലം. തങ്ങൾ സ്ഥിരതയോടെ കൊണ്ടുനടന്ന ഒരു ടീം തകരുന്ന രീതിയിൽ ഉള്ള മാറ്റങ്ങൾ അവർ ആഗ്രഹികുന്നില്ല. എന്തിരുന്നാലും മെഗാ ലേലം എന്ന പ്രക്രിയ ഒഴിവാക്കാൻ പറ്റാത്ത സാഹചര്യത്തിൽ ടീമുകൾ അവരുടെ തന്ത്രങ്ങൾ അത് അനുസരിച്ച് സെറ്റ് ആക്കുകയാണ്.
Read more
ഡൽഹി ക്യാപിറ്റൽസിൻ്റെ കിരൺ കുമാർ ഗ്രാന്ധി, ലഖ്‌നൗ സൂപ്പർ ജയൻ്റ്‌സിൻ്റെ സഞ്ജീവ് ഗോയങ്ക, ചെന്നൈ സൂപ്പർ കിംഗ്‌സിൻ്റെ രൂപ ഗുരുനാഥ്, സൺറൈസേഴ്‌സ് ഹൈദരാബാദിൻ്റെ കാവ്യ മാരൻ, രാജസ്ഥാൻ റോയൽസിൻ്റെ മനോജ് ബദാലെ എന്നിവരാണ് യോഗത്തിൽ പങ്കെടുക്കുന്നത്. ഏതാനും ഉടമകൾ വീഡിയോ കോൺഫറൻസ് വഴി മീറ്റിംഗിൽ ചേർന്നു.
