എന്റെ രഹസ്യ വീഡിയോ ഡിലീറ്റ് ചെയ്യുക അത് എനിക്ക് ലജ്ജാകരമാണ്, ധോണി അയച്ച മെസേജ് പങ്കുവെച്ച് ബോബി ഡിയോൾ; സ്ക്രീൻഷോട്ടുകൾ വൈറൽ

By
സ്പോര്‍ട്സ് ഡെസ്ക്
|

തല എംഎസ് ധോണിയുടെ ഒരു രഹസ്യ വീഡിയോ കങ്കുവ താരം ബോബി ഡിയോളിന്റെ കൈയിൽ ഉള്ളതായി തോന്നുന്നു. എന്തായാലും അത്തരത്തിൽ കൈയിൽ ഉള്ള വീഡിയോ ഡിലീറ്റ് ചെയ്യാൻ ധോണി ആവശ്യപ്പെട്ടിരിക്കുന്നതായി ബോബി ഡിയോൾ ഇപ്പോൾ വെളിപ്പെടുത്തിയിരിക്കുന്നു . താരത്തിന്റെ ട്വീറ്റ് എന്തായാലും ഇപ്പോൾ സോഷ്യൽ മീഡിയയിൽ വൈറലായിരിക്കുകയാണ്.

മാർച്ച് 20 ന്, മുൻ ഇന്ത്യൻ നായകനിൽ നിന്നുള്ള ഒരു സ്വകാര്യ സന്ദേശം പങ്കിട്ട് ആനിമൽ താരം ട്വിറ്ററിൽ എത്തിയപ്പോൾ എംഎസ് ധോണിയുടെയും ബോബി ഡിയോളിൻ്റെയും ആരാധകർ അമ്പരന്നു. “ബോബി വോ വാലി വീഡിയോ ഡിലീറ്റ് കർദേന യാർ.. (ബോബി ദയവായി ആ വീഡിയോ ഡിലീറ്റ് ചെയ്യുക, ഇത് വളരെ ലജ്ജാകരമാണ്)” എന്ന് എഴുതിയ മഹേന്ദ്ര സിംഗ് ധോണിയുടെ സ്വകാര്യ സന്ദേശത്തിൻ്റെ സ്‌ക്രീൻഷോട്ട് ബോബി ഡിയോൾ പങ്കിട്ടു.

തൻ്റെ ഫോൺ സ്‌ക്രീനിൽ സന്ദേശത്തിൻ്റെ സ്‌ക്രീൻഷോട്ട് പങ്കുവെച്ചുകൊണ്ട് ബോബി ട്വീറ്റ് ചെയ്തു, “തീക് ഹായ് മഹി ഭായ് കർദുംഗ ഡിലീറ്റ് (ശരി, മഹി, ഞാൻ അത് ഡിലീറ്റ് ചെയ്യാം “അദ്ദേഹം കുറിച്ചു

ഉടൻ തന്നെ ആരാധകർ വീഡിയോയുടെ ഉള്ളടക്കത്തെ ചോദ്യം ചെയ്യാൻ തുടങ്ങി. എന്നാൽ, ബോബി ഡിയോളോ എംഎസ് ധോണിയോ ഇക്കാര്യത്തിൽ പ്രതികരണം നടത്തിയിട്ടില്ല. ബോബിയുടെ ജമാൽ കുഡു എന്ന അനിമൽ ഗാനത്തിന് തലയിൽ ഒരു ഗ്ലാസ് വച്ച് നൃത്തം ചെയ്യുന്ന ധോണിയുടെ വീഡിയോ ആയിരിക്കാമെന്ന് ചിലർ പറയുന്നുണ്ട്.