ഇൽകൈ ഗുണ്ടോഗാൻ വീണ്ടും മാഞ്ചസ്റ്റർ സിറ്റിയിലേക്ക്. 2025 ജൂൺ വരെ സാധുതയുള്ള കരാറിലാണ് ബാഴ്‌സലോണയിൽ നിന്നും ഗുണ്ടോഗാൻ സിറ്റിയിലേക്ക് തിരിച്ചു വരുന്നത്. കഴിഞ്ഞ 48 മണിക്കൂറിനുള്ളിലെ ക്ലബ്ബുകൾ തമ്മിലുള്ള പോസിറ്റീവ് ചർച്ചകൾക്ക് ശേഷമാണ് ധാരണയിലെത്തിയത്. മാഞ്ചസ്റ്റർ സിറ്റി ബോസ് പെപ് ഗാർഡിയോള സമ്മതം മൂളിയ സാഹചര്യത്തിലാണ് ഗുണ്ടോഗാൻ വീണ്ടും മാഞ്ചസ്റ്റർ സിറ്റിയിൽ എത്തുന്നത്. ചുരുക്കത്തിൽ ഗുണ്ടോഗൻ സൗജന്യമായി ബാർസ വിടും.
ഇന്നലെ ഗുണ്ടോഗാൻ തന്റെ ഇന്റർനാഷണൽ കരിയറിൽ നിന്നും വിരമിച്ചിരുന്നു. ഒരു ദശാബ്ദത്തിലേറെ നീണ്ടുനിന്ന കരിയർ അവസാനിപ്പിച്ച താരം ജർമനിയുടെ കൂടെ നാല് പ്രധാന ടൂർണമെൻ്റുകളിൽ പങ്കെടുത്തിട്ടുണ്ട്. ശാരീരികവും മാനസികവുമായ ക്ഷീണമാണ് 33കാരനായ മിഡ്ഫീൽഡർ തൻ്റെ കരിയറിലെ അനിവാര്യമായ ചുവടുവെപ്പിലേക്ക് നയിച്ചതെന്ന് വെളിപ്പെടുത്തി. “ചിന്തയുടെ ഒരു കാലഘട്ടത്തിന് ശേഷം, ദേശീയ ടീമിനൊപ്പം എൻ്റെ യാത്ര അവസാനിപ്പിക്കാൻ ഞാൻ തീരുമാനിച്ചു,” ഗുണ്ടോഗാൻ സോഷ്യൽ മീഡിയയിൽ പങ്കുവെച്ചു.
തൻ്റെ രണ്ട് വർഷത്തെ കരാർ 12 മാസത്തേക്ക് കൂടി നീട്ടി 2026 വരെ ഗുണ്ടോഗൻ ബാഴ്‌സലോണയുമായി ഈയിടെ കരാർ ഒപ്പിട്ടിരുന്നു. ബാഴ്‌സലോണയിൽ ഗുണ്ടോഗൻ്റെ ഭാവിയെക്കുറിച്ചുള്ള ഊഹാപോഹങ്ങൾക്കിടയിൽ ശനിയാഴ്‌ച നടന്ന വലൻസിയയ്‌ക്കെതിരായ മത്സരത്തിൽ ജർമൻ ക്യാപ്റ്റൻ പങ്കെടുത്തിരുന്നില്ല. ഹെഡ് കോച്ച് ഹാൻസി ഫ്ലിക്ക് മത്സര ശേഷം മാധ്യമങ്ങളോട് സംസാരിക്കവെ പറഞ്ഞു: “സീസണിനുമുമ്പ് അയാൾക്ക് എങ്ങനെ തോന്നുന്നു” എന്നതിനെക്കുറിച്ച് മിഡ്ഫീൽഡറോട് സംസാരിച്ചിരുന്നു.
Read more
ട്രാൻസ്ഫർ ഗുരു ഫാബ്രിസിയോ റൊമാനോയാണ് ഇൽകൈ ഗുണ്ടോഗാൻ വീണ്ടും മാഞ്ചസ്റ്റർ സിറ്റിയിലേക്ക് വരുന്ന വാർത്ത പുറത്ത് വിട്ടത്. കഴിഞ്ഞ സമ്മർ ട്രാൻസ്ഫർ വിൻഡോയിലാണ് ജർമ്മൻ താരം ക്യാമ്പ് നൗവിലേക്ക് മാറിയത്. ബാഴ്‌സയ്‌ക്കൊപ്പമുള്ള തൻ്റെ അരങ്ങേറ്റ സീസണിൽ, 33-കാരൻ മത്സരങ്ങളിലുടനീളം 53 മത്സരങ്ങളിൽ നിന്ന് അഞ്ച് ഗോളുകളും 14 അസിസ്റ്റുകളും സംഭാവന ചെയ്തു. ലാ ലിഗയിൽ 36 മത്സരങ്ങളിൽ നിന്നാണ് അഞ്ച് ഗോളുകളും ഒമ്പത് അസിസ്റ്റുകളും ഗുണ്ടോഗാൻ നേടിയത്.
