ലോകകപ്പ് കിരീട നേട്ടത്തില്‍ ഇന്ത്യന്‍ ടീമിന് അഭിനന്ദനവുമായി വിരാട് കോഹ്‌ലിയുടെ ഭാര്യയും ബോളിവുഡ് താരവുമായ അനുഷ്‌ക ശര്‍മ. മാന്‍ ഓഫ് ദ മാച്ച് സ്വന്തമാക്കിയ കോഹ്‌ലിയെ അഭിനന്ദിച്ചതിനൊപ്പം ഇരുവരുടെയും മകളായ വാമികയെ കുറിച്ചും അനുഷ്‌ക ഇന്‍സ്റ്റഗ്രാമില്‍ കുറിച്ചു. വാമികയുടെ ആശങ്ക പങ്കുവച്ചാണ് അനുഷ്‌കയുടെ കുറിപ്പ്.
”കളിക്കാര്‍ കരയുമ്പോള്‍ അവരെ കെട്ടിപ്പിടിച്ച് ആശ്വസിപ്പിക്കാന്‍ ആരെങ്കിലും ഉണ്ടായിരുന്നോ എന്നായിരുന്നു ടിവി കാണുമ്പോള്‍ നമ്മുടെ മകളുടെ ഏറ്റവും വലിയ ആശങ്ക. ഉണ്ടായിരുന്നു മോളെ, 1.5 ബില്യന്‍ ആളുകള്‍ അവരെ ആലിംഗനം ചെയ്തു. എന്തൊരു അദ്ഭുതകരമായ വിജയം.”
View this post on Instagram
”ഐതിഹാസിക നേട്ടം. ചാമ്പ്യന്മാര്‍. അഭിനന്ദനങ്ങള്‍” എന്നാണ് അനുഷ്‌ക കുറിച്ചത്. ലോകകപ്പ് ട്രോഫിയുമായുള്ള വിരാട് കോഹ്‌ലിയുടെ ചിത്രത്തോടൊപ്പം മറ്റൊരു പോസ്റ്റും അനുഷ്‌ക പങ്കുവച്ചു. ”ഞാന്‍ ഇയാളെ സ്നേഹിക്കുന്നു. നിങ്ങളെ എന്റെ വീട് എന്ന് വിളിക്കാന്‍ കഴിയുന്നതില്‍ നന്ദിയുണ്ട്” എന്നാണ് അനുഷ്‌കയുടെ വാക്കുകള്‍.
View this post on Instagram
Read more
വിജയത്തിന് പിന്നാലെ അനുഷ്‌കയുമായി വീഡിയോ കോളില്‍ സംസാരിക്കുന്ന കോഹ്‌ലിയുടെ ചിത്രങ്ങളും സോഷ്യല്‍ മീഡയയില്‍ ശ്രദ്ധ നേടിയിരുന്നു. കിരീട നേട്ടത്തിന് പിന്നാലെ ടി20 അന്താരാഷ്ട്ര മത്സരങ്ങളില്‍ നിന്ന് വിരാട് കോഹ്‌ലി വിരമിക്കല്‍ പ്രഖ്യാപിച്ചു. കോഹ്‌ലിക്ക് പിന്നാലെ ക്യാപ്റ്റന്‍ രോഹിത് ശര്‍മ്മയും ടി20യോട് വിടപറഞ്ഞു.
