അന്ന്യന് എന്ന സിനിമയിലെ നായികയായി വന്ന നടിയാണ് സദ . ഒരു സിനിമ കൊണ്ട് തന്നെ പ്രേക്ഷകര്‍ക്കിടയില്‍ ശ്രദ്ധേയയായ ഈ നടിയ്ക്ക് അന്ന്യന് ശേഷം വലിയ കരിയര്‍ ബ്രേക്ക് ഒന്നും ഉണ്ടായില്ല. എന്നാല്‍ സ്‌ക്രീനിലും മിനിസ്‌ക്രീനിലും നടി സജീവമാണ്.ഇപ്പോഴിതാ അടുത്തിടെ ഇന്‍സ്റ്റഗ്രാം ലൈവില്‍ വന്ന് നടി പറഞ്ഞ കാര്യങ്ങളാണ് ഇപ്പോള്‍ വൈറലാകുന്നത്. തന്റെ ബിസിനസ് സംരംഭത്തിന് വന്ന പ്രശ്‌നമാണ് നടി ലൈവില്‍ വിവരിച്ചത്.
എര്‍ത്ത് ലിങ്ക്‌സ് എന്ന ഒരു കഫേ സദ നടത്തിവരുന്നുണ്ട്. 2019 ഏപ്രില്‍ മാസത്തിലാണ് ഇത് ആരംഭിച്ചത്. മെയ് മാസം അവസാനത്തോടെ തന്റെ സ്വപ്നമായ കഫേ പൂട്ടുകയാണ് എന്നാണ് ലൈവില്‍ സദ പറഞ്ഞത്.
കഫേ പ്രവര്‍ത്തിക്കുന്ന കെട്ടിടത്തിന്റെ ഉടമ ഏപ്രില്‍ മാസത്തില്‍ കഫേയുടെ വാര്‍ഷിക ദിനത്തിലാണ് തന്നോട് ഒഴിയാന്‍ പറഞ്ഞത്.
അതിന് ഒരു മാസം തന്നു. ഇത് എന്റെ കുഞ്ഞാണ്, എന്റെ ആദ്യത്തെ ബിസിനസ് സംരംഭമാണ്. ഇത് ഇനി മതിയാക്കിയെ പറ്റൂ. ലാഭമാണോ നഷ്ടമാണോ എന്ന് നോക്കാതെയാണ് താന്‍ ഇത് നടത്തിയത് – തുടര്‍ന്ന് ലൈവില്‍ പലപ്പോഴും തന്റെ നിയന്ത്രണം തെറ്റി വിതുമ്പകയാണ്് സദ.
ദിവസം 12 മണിക്കൂര്‍വരെ ഇവിടെയിരുന്നു ജോലി ചെയ്തിട്ടുണ്ട്. വളരെ മോശം നിലയിലാണ് തനിക്ക് ഈ കെട്ടിടം ലഭിച്ചത്. എന്നാല്‍ അത് ഞാന്‍ എന്റെ പ്രയത്‌നത്തിലൂടെ മനോഹരമാക്കി. കൊവിഡ് ലോക്ക്‌ഡൌണ്‍ കാലത്ത് പോലും ഒരു പരാതിയും പറയാതെ ഞാന്‍ കെട്ടിട ഉടമയ്ക്ക് വാടകകൊടുത്തു.
Read more
വേറെ എവിടെയെങ്കിലും ഈ കഫേ വീണ്ടും തുറക്കാനാകുമോ എന്ന് ഇപ്പോള്‍ പറയാന്‍ സാധിക്കില്ല. മാനസികമായും ശാരീരികമായും ഞാന്‍ തളര്‍ന്നിരിക്കുകയാണ്. അവര്‍ വീഡിയോയില്‍ പറഞ്ഞു.
