അഖില്‍ അക്കിനേനി- മമ്മൂട്ടി കോംമ്പോയില്‍ എത്തിയ ‘ഏജന്റ്’ സിനിമയ്ക്ക് മോശം പ്രതികരണങ്ങള്‍. നാല് വര്‍ഷത്തിന് ശേഷം മമ്മൂട്ടി തെലുങ്കില്‍ എത്തുന്ന സിനിമ ആയതിനാല്‍ തന്നെ ഏറെ പ്രതീക്ഷയോടെയാണ് സിനിമാസ്വദകര്‍ ചിത്രത്തിനായി കാത്തിരുന്നത്. എന്നാല്‍ മോശം പ്രതികരണങ്ങള്‍ ആദ്യം തന്നെ ലഭിച്ചു കൊണ്ടിരിക്കുന്നത്.
”ദയനീയമായ വിഎഫ്എക്‌സ്. അഖിലിന്റെ ഏറ്റവും മോശം പ്രകടനം. മമ്മൂട്ടിയുടെതും മോശം പ്രകടനം, മീം ചെയ്യപ്പെടുന്ന നിമിഷങ്ങളാണ് തരുന്നത്” എന്നാണ് ഒരാള്‍ ട്വിറ്ററില്‍ കുറിച്ചിരിക്കുന്നത്. ”അടുത്ത കാലത്ത് ഒന്നും തെലുങ്ക് സിനിമാ വ്യവസായത്തില്‍ നിന്നും ഇത്രയും മോശം സിനിമ വന്നിട്ടില്ല” എന്നാണ് മറ്റൊരാളുടെ അഭിപ്രായം.
”ആദ്യ ഹാഫ് ദയനീയമാണ്. അഖിലിന്റെ ബോഡി ട്രാന്‍സ്‌ഫോര്‍മേഷന്‍ ഒക്കെ ഗംഭീരമാണ്, പക്ഷെ തിരക്കഥ പരാജയപ്പെട്ടു. മമ്മൂട്ടി കുഴപ്പമില്ല, വില്ലന് ആകര്‍ഷിക്കാന്‍ പറ്റുന്നില്ല” എന്നിങ്ങനെയാണ് മറ്റ് ചിലര്‍ ട്വീറ്റ് ചെയ്തിരിക്കുന്നത്.
മമ്മൂട്ടി റോ ചീഫ് കേണല്‍ മേജര്‍ മഹാദേവനായും അദ്ദേഹത്തിന്റെ ഗ്രൂപ്പിലെ പട്ടാളക്കാരനായി അഖില്‍ അക്കിനേനിയും എത്തുന്ന ചിത്രം ബിഗ് ബജറ്റിലാണ് ഒരുക്കിയത്. സുരേന്ദര്‍ റെഡ്ഡി രചനയും സംവിധാനവും നിര്‍വ്വഹിക്കുന്ന ഈ ചിത്രത്തില്‍ സാക്ഷി വൈദ്യ ആണ് നായിക.
#Agent – A FAILED MISSION 👎#AkhilAkkineni #SakshiVaidya #Mammootty #SurenderReddy #Cinee_WorlddReview #Cinee_Worldd pic.twitter.com/OQu4dbjNyS
— cinee worldd (@Cinee_Worldd) April 28, 2023
ചിത്രത്തിലെ ‘ദി ഗോഡ്’ എന്ന നിര്‍ണായക വേഷത്തില്‍ ഡിനോ മോറിയയുമുണ്ട്. അഖില്‍, ആഷിക് എന്നിവര്‍ നേതൃത്വം നല്‍കുന്ന യൂലിന്‍ പ്രൊഡക്ഷന്‍സ് ആണ് ചിത്രം കേരളത്തില്‍ വിതരണം ചെയ്യുന്നത്. ഹിപ്പ് ഹോപ്പ് തമിഴ് സംഗീത സംവിധാനം നിര്‍വഹിച്ചിരിക്കുന്ന ഈ ചിത്രത്തിന്റെ ഛായാഗ്രഹണം റസൂല്‍ എല്ലൂരാണ് നിര്‍വ്വഹിച്ചിരിക്കുന്നത്.
👉#Agent is such a terrible film. In recent times, Telugu Film Industry has not produced such a bad film
👉It’s a third-rate film because of the medicore direction and predictable plot
👉#AkhilAkkinen’s transformative efforts are futile#AgentReview #Mammootty
— PaniPuri (@THEPANIPURI) April 28, 2023
Read more
