മോഹന്‍ലാല്‍ നല്ല റൗഡി ഇമേജ് ഉള്ള ആളാണെന്ന് സംവിധായകന്‍ അടൂര്‍ ഗോപാലകൃഷ്ണന്‍ പറഞ്ഞത് വലിയ വിവാദമായിരുന്നു. അടൂരിന്റെ പ്രസ്താവനയ്‌ക്കെതിരെ വ്യാപക വിമര്‍ശനം ഉയര്‍ന്നിരുന്നു. ഇപ്പോഴിതാ അടൂരിനെ രൂക്ഷമായ ഭാഷയില്‍ വിമര്‍ശിച്ച് രംഗത്ത് വന്നിരിക്കുകയാണ് സംവിധായകന്‍ ശാന്തി വിള ദിനേശ്. പ്രായക്കൂടുതല്‍ മൂലം വിവരക്കേട് വരുമോ എന്നാണ് ശാന്തിവിളയുടെ ചോദ്യം.

വെറുതെ മോഹന്‍ലാലിനെ ഇട്ട് ഒന്ന് ഞോണ്ടാന്‍ ആണ് അടൂര്‍ ഗോപാലകൃഷ്ണന്‍ സാര്‍ ഇറങ്ങിയിരിക്കുന്നത്. മോഹന്‍ലാലിനെ വെച്ച് ഞാനൊരു സിനിമ ചെയ്തിട്ടില്ല., ചെയ്യില്ല എന്ന്’ അദ്ദേഹം ചെയ്തത് 15 ഓ 16 ഓ പടമാണ്.

അതിനിടയില്‍ മോഹന്‍ലാലിനെ വെച്ച് സിനിമ ചെയ്തില്ലെങ്കില്‍ മോഹന്‍ലാലിന്റെ റേഷന്‍ കാര്‍ഡും കട്ട് ആവും ആധാറും പോവും’ എത്ര ബഹുമാനത്തോടെ മലയാളികള്‍ കണ്ടിരുന്ന മനുഷ്യനാണ്. ഒരു ആവശ്യമില്ലാതെ മോഹന്‍ലാലിനെ ഗുണ്ട എന്ന് വിളിക്കുന്നു.

മോഹന്‍ലാലിനെ അടൂരടക്കം ഒരു സിനിമാ തമ്പ്രാക്കന്‍മാരും വളര്‍ത്തിയതല്ല. ഒരാളുടെയും പരിഗണനയും പരിലാളനയും കിട്ടാതെ ആണ് മോഹന്‍ലാല്‍ എന്ന നടന്‍ പതിയെ കോമഡിയും വില്ലനും ചെയ്ത് പിന്നെ ഉപനായകനായും നായകനായും മാറിയെങ്കില്‍ അത് മോഹന്‍ലാലിന്റെ കൈയില്‍ അത്രയും കരുത്തുള്ളത് കൊണ്ടാണ്. മമ്മൂട്ടിക്ക് പോലും എംടിയുടെ പിന്‍ബലം കിട്ടി,’ ശാന്തിവിള കൂട്ടിച്ചേര്‍ത്തു.